Creu'r amodau ar gyfer Canol De Cymru mwy egnïol
Mae Partneriaeth Actif Canolbarth y De yn arwain, yn cynllunio ac yn comisiynu gweithgareddau corfforol a chwaraeon mewn ffordd strategol ar draws y rhanbarth (Pen-y-bont ar Ogwr, Rhondda Cynon Taf, Merthyr Tudful, Caerdydd a Bro Morgannwg).
Rydym yn credu bod cael pobl i symud y corff yn gallu arwain at fanteision pellgyrhaeddol i bobl ac i gymunedau. Yn ein rhanbarth ni, mae’n sbardun pwerus ar gyfer llesiant, cysylltiad a chyfleoedd.
YEr hynny mae gormod o bobl yn y rhanbarth yn methu’r manteision hyn ac mae rhai grwpiau’n llawer llai tebygol o elwa ar fanteision symud y corff nag eraill.
Dyna pam ein bod ni’n gwneud pethau’n wahanol. Rydym yn gwneud mwy na newid rhaglenni neu brosiectau, rydym yn ail-lunio sut mae systemau’n gweithio, sut mae partneriaid yn cydweithio a sut mae adrodd y stori am symud y corff. Rydym yn adeiladu ar lwyddiant ac yn archwilio syniadau newydd. Drwy weithio mewn ffyrdd newydd a herio hen fodelau, rydym yn gwneud symud y corff yn rhan o fywyd bob dydd i ragor o bobl, mewn rhagor o lefydd.
Mae ein huchelgais yn syml ond yn feiddgar
Gwneud symud y corff yn rhan o fywyd bob dydd a chreu rhanbarth hapusach ac iachach
Beth sy’n ein gwneud ni’n wahanol
Dull systemau
Rydym yn edrych y tu hwnt i gyflawni er mwyn creu’r amodau ar gyfer newid, normau ac agweddau cymdeithasol, mannau a lleoedd, rhaglenni a chyfleoedd, llywodraethiant a pholisi.
Cydweithio fel gallu, nid slogan
Rydym yn cyd-greu gydag iechyd, llywodraeth leol, addysg a chymunedau, gan rannu perchnogaeth, dealltwriaeth ac effaith.
Arweinyddiaeth fel ased craidd
rydym yn meithrin arweinyddiaeth ar y cyd, gan gefnogi pobl i arwain o’u lle nhw yn y system.
Mae cynhwysiant wrth galon popeth a wnawn
Rydym yn gwrando ar leisiau amrywiol, yn hyrwyddo tegwch ac yn dylunio i bawb er mwyn creu system fwy cynhwysol.
Diffiniad ehangach o symud y corff
O chwarae gyda ffrindiau yn yr ysgol, beicio i’r gwaith, mwynhau’r awyr agored neu ymuno â chlwb chwaraeon, rydym yn hyrwyddo mudiad sy’n gweddu i fywydau go iawn.
Stori ddynol, fodern
Rydym yn siarad am symud y corff mewn ffyrdd sy’n gyfarwydd i bobl – ar sail profiad bywyd, posibilrwydd a chynnydd, nid perfformiad na phwysau.
Yr Effaith Rydym Yma i’w Chreu
- Rhagor o bobl yn symud yn amlach
- Cymunedau mwy cynhwysol a chysylltiedig
- Rhanbarth cysylltiedig lle mae symud yn cefnogi llesiant
Y sefyllfa ar hyn o bryd
Rydym wrthi’n adeiladu—yn adeiladu’r sylfaen i newid. Mae hyn yn golygu buddsoddi yn yr amodau sy’n helpu symud i ffynnu, yn archwilio ffyrdd o weithio, yn adeiladu ein sylfaen wybodaeth, yn cefnogi arweinyddiaeth a dysgu, yn cryfhau partneriaethau ac yn gwneud cysylltiadau newydd.
Megis dechrau ydym ni— felly cadwch eich llygaid ar agor
I gael rhagor o wybodaeth cysylltwch â
Cysylltwch â ni